انشاء حساب بايبال مفعل لسحب الأرباح من مواقع العمل الحر – مصر

5 661

انشاء حساب بايبال مفعل واحدة من أكثر الأمور التي يعتقد الكثير منا انها عائق في طريقة للربح من الانترنت فعلى سبيل المثال موقع خمسات وجميع المستقلين قد سمعو عنه من قبل أو هو باب رزقهم عبر الانترنت وبالتأكيد فنحن نعلم أن طريقة سحب الارباح من موقع خمسات تعتمد فقط على البايبال والكثير يقوم بإضاعة مبالغ كثيرة أثناء سحب الارباح من خلال الوسطاء المعتمدين في الموقع أو حتي من خارج الموقع ولن اخفي سرا عليكم كنت واحد ممن يفقدون 10% من أرباحها لصالح الوسطاء لعدم امتلاكي حساب على الباي بال لكن مع الوقت والقليل من البحث قمت بإنشاء حساب بايبال مفعل وبدأت أسحب أرباحي بنفسي من خمسات وقمت بتجربة أكثر من نوع فيزا لحين استقريت علي الافضل من بينهم فهي بنا ندخل قليلا في التفاصيل . 

موقع خمسات شرح مميزات وعيوب وكيف يمكنني الربح من موقع خمسات

ما هو البايبال ؟

يعتبر البايبال هو بمثابة بنك الكتروني يتيح لك ارسال واستقبال الاموال من الأشخاص او الشركات الربحية بسهولة تامة كما أن البايبال يوفر إمكانية الدفع وشحن الحساب من خلال البطاقة الائتمانية او من خلال الحسابات البنكية يضم البايبال الكثير من الحسابات التي تجاوزت 192 مليون حساب حيث انه اصبح الموقع الرائد في مجال ارسال الاموال عبر الانترنت حصل البايبال علي الكثير من الجوائز منها :

  • جائزة Webby Award لأفضل موقع للخدمات المالية لعام 2006.
  • وجائزة Webby People’s Voice Award لأفضل موقع للخدمات المالية لعام 2006.

انشاء حساب بايبال مفعل :

حساب البايبال يتم انشائة بطريقة بسيطة جدا تقوم بالدخول الي موقع البايبال من ثم كتابة البيانات والدخول إلى
البريد الإلكتروني والضغط على رابط التفعيل وفقط !!! تنتظر انتظر نعم الآن قد تم انشاء حساب بايبال مفعل لكنك لن تستطيع استقبال الاموال عليه لماذا ؟! لانك لم تقم بربط الحساب الخاص بك ببطاقة بنكية او حساب بنكي وهذا هو موضوعنا اليوم لكن قبل الدخول في التعرف علي الطريقة والبطاقة أو البنك المناسب اليك طريقة كيفية فتح حساب بايبال بالفيديو :

كيفية فتح حساب بايبال

أفضل بطاقة بنكية لتفعيل البايبال :

البنوك كثيرة وطرق التفعيل الآن أصبح لا يمكن حصرها ومع ذلك هناك الكثير من الأشخاص يقعو في مشكلة التفعيل وهي عدم التأكد ان البطاقة من نوع فيزا | Visa نعم تختلف البطاقة اذا كانت فيزا او ماستركارد كلاهما سيقابلهم البايبال لكن في النهاية عند السحب إذا كانت البطاقة ماستركارد سيتم رفض عملية السحب لذلك يجب أن تتأكد من أن بطاقتك من نوع فيزا في هذه المقالة سوف أستعرض نوعين فقط من البطاقات التي قمت باستخدامها شخصيا فهيا بنا نبدأ بالبطاقة الأولى : 

بطاقة ايزي باي لتفعيل البايبال :

تعتبر بطاقة ايزي باي Easypay من البطاقة البسيطة في تفعيل البايبال وهي البطاقة الأولي التي أعتمدت عليها في تفعيل البايبال يمكنك إستخراج فيزا ايزي باي من أقرب فرع للبريد المصري تكلفة إستخراج البطاقة لن يكلفك سوي 20 جنية مصري .

انشاء حساب بايبال مفعل

متطلبات إستخراج بطاقة ايزي باي | انشاء حساب بايبال مفعل :

  1. البطاقة الشخصية + صورة ليها عشان ما تطلعش تصورها وتسيب الدور .
  2. ايميل شغال عشان تكتبة في البيانات بتاعتك علي الياهو او الجاميل مش هتفرق .
  3. العشرين جنية ثمن استخراج الفيزا وبس كدة .

هتستلم الفيزا مختلفة بعد كده هتروح لموظف البريد تقوله عايز اعملها يفتحها ويديك ورقة تملي البيانات بتاعتك وبعدين هيكتب بياناتك عندهم وياخد صورة البطاقة وبعد كده يقولك كلم الدعم الرقم بيكون على ظهر البطاقة هيا كدة معاك البيانات ويقولك نص ساعه والبطاقة هتدفع متمشيش من قدام البريد لسه في خطوة ثانية بعد النص ساعة هترجع البريد .

( نصيحة خذ ورقه قبل ما تكلم الدعم عشان الدور بتاعك ما تقفش كتير ) بعد ما تدخل بعد النص ساعة هتقول للموظف عايز اعمل ايداع واقل حاجة 100 جنيه تقدر تسحبهم بعد الإيداع عادي بس عشان نشغلها وكمان هنحتاج مبلغ حوالي 2$ لتفعيل البايبال بيتخصم من الفيزا وبعدين بترجع تاني للفيزا بس عشان يتأكدو انها سليمة وصالحة للاستخدام , بعد كده هتكلم الدعم وتطلب منهم رمز أخر معاملة الهو رمز الـ PP انا طلبته بعد ساعتين من ربط الفيزا ممكن يتأخر على ما يظهر ويقعد يومين فأنت وحظك بتاخد الرقم تحطه في نافذة التفعيل في موقع الباي بال ومبروك عليك حساب البايبال . 

عيوب فيزا ايزي باي :

عند طلب سحب الارباح بتظهر الفلوس في حسابك بعد 5 أيام من طلب السحب يعني لو الأرباح نزلت الفيزا يوم 1 في الشهر هتروح تسحبهم منها يوم 5 لو روحت قبل كده هيقولك مفيش رصيد كمان لو ضاعت منك او اتكسرت مش هتقدر تطلع غيرها . 

فيزا بنك الاسكندرية لتفعيل البايبال ( حساب الشباب):

من خلال تجربتي فيزا ايزي باي و فيزا الشباب من بنك اسكندرية فانا ارشح لك بكل تأكيد استخدام فيزا الشباب من بنك اسكندرية والتي استعملها حتى الآن فهي ليست مجرد فيزا ولكنها حساب بنكي ويعطيك أرباح شهرية وميزات اخرى بجانب الهدايا سواء كانت من مطاعم او كوبونات خصم لكريم .

انشاء حساب بايبال مفعل

متطلبات فتح حساب الشباب بنك اسكندرية | انشاء حساب بايبال مفعل :

  1. البطاقة الشخصية ( مش لازم تصورها البنك بيصورها عنده ) .
  2. ومبلغ للايداع 250 جنية أقل مبلغ .

نبدا بقي من البداية وانت داخل البنك مش هتاخد ورقه وهتخش علي الدعم او تقولهم انك بتفتح حساب الشباب هتخش تقابل موظف في البنك هيتكلم معاك عن الحساب وتفاصيله وبعدين هنجيب ورق كتير كده هتفضل تمضي على كل صفحة وتعمل بعد كده إيداع 250 جنية او اي مبلغ أكثر من 250 زي ما تحب بعد كده تستني حوالي 10 أيام هيتصل بيك مندوب ويجي يسلمك الفيزا لحد البيت بعدها تاخد الفيزا تربطها مع البايبال زي ما شرحنا فوق وهو أنك تدخل بيانات الفيزا بعد كده تدخل الرمز ( انا اول ما عملت اضافة للفيزا خصم المبلغ ورجع مطلبش مني اي رموز ) وبكده بقي معاك حساب بايبال مفعل للسحب والايداع .

عيوب فيزا ايزي باي :

الفيزا من تجربتي ليها مميزاتها تغطي على عيوبها لكن عيب تاخر الفيزا لمدة 10 أيام عمل انا شايفة وقت كتير
لكن الفيزا بإستخدام ومتابعة الحساب جميلة جدا . 

أكد علي الموظف ان البطاقة توصل من نوع فيزا لاني أعرف ناس بعتولهم بطاقة ماستركارد

*ملحوظة *

الخلاصة في انشاء حساب بايبال مفعل :

  1. هتروح البنك الاقرب ليك او فرع البريد وتطلب بطاقة فيزا ( أي بطاقة فيزا من أي بنك هتفعل معاك ما تقلقش )
  2. بعد ما تستلم الفيزا بتروح علي البايبال زي الفيديو الفوق تعمل حساب تضيف بيانات الفيزا .
  3. لو الفيزا اتضافت معاك مش محتاج الخطوة الجاية وكده حسابك مفعل .
  4. لو ما اتضافتش هتكلم الدعم بتاع البنك وتطلب منه رمز الـ PP وتضيفه في البايبال وبقي معاك حساب بايبال مفعل .

أسئلة شائعة بعد تفعيل البايبال : 

هل البايبال بياخد عمولة ؟
عموله البايبال عند سحب الارباح او بالبلدي لما تيجي تسحب فلوسك العلي البايبال هياخد منك 5$ علي أي مبلغ لكن لو استنيت
ليوم 1 في الشهر البايبال هيحولك فلوسك علي الفيزا ببلاش وبدون أي عمولة .

عمولة الارسال والاستقبال في البايبال ؟
اعتقد ان هي بتختلف من بلد للثانية وحسب حجم المبلغ لكن من خلال تجربتي البايبال بيخصم 2.5$ علي كل 50$ طبعا تجربتي
مع اشخاص من دول الخليج .

هل البايبال امن للاستخدام ؟
طبعا مفيش حاجه أمان علي النت فخليك حريص انك ما تفتحش اي لينك وتسجل بحساب البايبال بتاعك أتأكد انه الموقع
الرسمي كمان اختار الاشخاص البتتعامل معاهم لان ممكن شخص يبعتلك فلوس وبعد كده يقدم طلب نزاع في البايبال
ويرجع فلوسه ويضحك عليك فخليك صايع .

أحنا هنا وصلنا نهاية الموضوع أتمني اني قدرت افيد أي حد كان حيران في سحب الارباح وهنتظر أسألتكم عشان نضيفها
للكل يستفاد منها وفي النهاية لازم اقولكم Welcome In Mazen Zone

تعليق
  1. FAISAL يقول

    مشكلة كبيرة بايبال مايدعم العراق

    1. Mazen Mohamed يقول

      ممكن تتعامل مع وسيط

  2. عبدو يقول

    الفلوس بتنزل ايمته ع فيزا الشباب كل اول شهر

    1. Mazen Mohamed يقول

      يوم 1 من كل شهر .

      وبعتذر عن التأخير في الرد

  3. CORREALE241 يقول

    Thank you!!1

اترك تعليق

يرجي التسجيل لترك تعليقك

شكرا للتعليق